वाचस्पत्यम्
महाकरञ्ज || पु० कर्म० । करञ्जभेदे (काँटाकरमचा) राजनि०
शब्दकल्पद्रुमः
महाकरञ्जः || पुं, (महांश्चासौ करञ्जश्चेति ।)
करञ्जविशेषः । वड करञ्जा इति भाषा ॥ तत् पर्य्यायः । षड्ग्रन्था २ हस्तिचारिणी ३ उद- कीर्णः ४ विषघ्नी ५ काकघ्नी ६ मदहस्तिनी ७ शारङ्गेष्टा ८ मधुमती ९ रसायनी १० हस्ति- रोहणकः ११ हस्तिकरञ्जकः १२ सुमनाः १३ काकभाण्डी १४ मधुमत्ता १५ । अस्य गुणाः । तीक्ष्णत्वम् । उष्णत्वम् । कटुत्वम् । विषकण्डू- विचर्च्चिकाकुष्ठत्वग्दोषव्रणनाशित्वञ्च । इति राजनिर्घण्टः ॥