वाचस्पत्यम्
महाज्योतिष्मती || स्त्री कर्म० । (बडमालकाङ्गिनी) लताभेदे राजनि० ।
शब्दकल्पद्रुमः
महाज्योतिष्मती || स्त्री (महती चासौ जोतिष्मती चेति ।)
लताविशेषः । वडी मालकङ्गुनी इति हिन्दी भाषा । तत्पर्य्यायः । तेजोवती २ बहु- रसा ३ कनकप्रभा ४ तीक्ष्णा ५ सुवर्णनकुली ६ लवणा ७ अग्निदीप्ता ८ तेजस्विनी ९ सुर- लता १० अग्निफला ११ अग्निगर्भा १२ कङ्गुनी १३ शैलसुता १४ सुतैला १५ सुवेगा १६ वायसी १७ तीव्रा १८ काकाण्डी १९ वायसा- दनी २० गीर्लता २१ श्रीलता २२ सौम्या २३ ब्राह्मी २४ लवणकिंशुका २५ पारावतपदी २६ पीता २७ पीततैला २८ यशस्विनी २९ मेध्या ३० मेधावती ३१ धीरा ३२ । अस्या गुणाः । तिक्ततरत्वम् । रूक्षत्वम् । किञ्चित्कटुत्वम् । वातकफापहत्वम् । दाहप्रदत्वम् । दीपनत्वम् । मेधाप्रज्ञाकारित्वञ्च । इति राजनिर्घण्टः ॥