वाचस्पत्यम्
मिल || श्लेषे तु० उभ० सक० सेट् । मिलति अमेलीत् अमेलिष्ट कुटादिरयमित्येके तेन अमिलीत् ल्युटि मिलनम् ।
शब्दकल्पद्रुमः
मिल || श ञ श्लिषि । इति कविकल्पद्रुमः ॥ (तुदा०- उभ०-अक०-सेट् ।)
श्लिषि सम्बन्धीभावे । श ञ मिलति मिलते लता वृक्षेण । अयं कुटादि- रिति कुलचन्द्रः । तेन व्यालनिलयमिलनेन गरलमिव कलयति मलयसमीरम् । इति जय- देवः । मिलिष्यन्ति । “महापातकिनः पञ्च मिलितव्यं न तैः सह ।” इति दुर्गादासः ॥