वाचस्पत्यम्
मृगपति || पु० ६ त० । मृगाणां पशूनां पतिः स्वामी । १ सिंहे हेमच० मृगेशादयोप्यत्र २ सिंहराशौ च ।
शब्दकल्पद्रुमः
मृगपतिः || पुं, (मृगाणां पशूनां पतिः ।)
सिंहः । इति हेमचन्द्रः ॥ (यथा, भागवते । ५ । २५ । १० । “यल्लीलां मृगपतिराददेऽनवद्या- मादातुं स्वजनमनांस्युदारवीर्य्यः ।” ‘मृगपतिः सिंहः ।’ इति तट्टीकायां श्रीधर- स्वामी ॥ कामप्रदश्रेष्ठः । यथा तत्रैव टीकायाम् । “मृग्यन्त इति मृगाः कामप्रदास्तेषां पति- र्मुख्यः ॥”)