वाचस्पत्यम्
यज्ञोडुम्बर || पु० यज्ञार्थ उडुम्बरः । स्वनामख्याते वृक्षे शब्दर०
शब्दकल्पद्रुमः
यज्ञोडुम्बरः || पुं, (यज्ञोचितः उडुम्बरः ।)
उडु- म्बरवृक्षः । यज्ञडुमुर इति भाषा ॥ तत्पर्य्यायः । हेमदुग्धी २ यज्ञफलः ३ यज्ञाङ्गः ४ हेमदुग्धकः ५ उडुम्बरः ६ जन्तुफलः ७ । इति शब्दरत्ना- वली ॥ अस्य गुणाः यथा, भावप्रकाशे । “उडुम्बरो हिमो रूक्षो गुरुः पित्तकफास्रनुत् । मधुरस्तुवरो वर्ण्यो व्रणशोधनरोपणः ॥”