वाचस्पत्यम्
यशद || न० येन वायुना शीयते शद—अच् । (दस्ता) ख्याते धातुभेदे “यशदं रङ्गसदृशं रीतिहेतुश्च तन्मतम् । यशदं तुवरं तिक्तं शीतलं कफपित्तहृत् । चक्षुष्यं परमं मेहान् पाण्डुं श्वासञ्च नाशयेत्” भावप्र० ।
शब्दकल्पद्रुमः
यशदं || क्ली धातुविशेषः । दस्ता इति भाषा । यथा, “यशदं रङ्गसदृशं रीतिहेतुश्च तन्मतम् । यशदं तुवरं तिक्तं शीतलं कफपित्तहृत् । चक्षुष्यं परमं मेहान् पाण्डुं श्वासञ्च नाशयेत् ॥” इति भावप्रकाशः ॥