वाचस्पत्यम्
रुजा is an alternate of रुज्. रुज्(जा) || स्त्री रुज—सम्प० क्विप् वा टाप् रुज—अङ् वा । १ रोगे २ भङ्गे मेदि० रुज—क । ३ मेष्यां हेमच० । ४ कुष्ठे च (कुड) राजनि० । एतद्योगे कर्मषष्ठ्या न समासः ।
शब्दकल्पद्रुमः
रुजा || स्त्री (रुज् + क्विप् । पक्षे टाप् ।)
रोगः । भङ्गः । इति मेदिनी । जे, १४ ॥ (पीडा । यथा, महाभारते । ८ । ३४ । १४९ । “निपातात् तव शस्त्राणां शरीरे याभवद्रुजा । तया ते मानुषं कर्म्म व्यपोढं भृगुनन्दन ! ॥”)
मेषी । इति हेमचन्द्रः । ४ । ३४३ ॥ कुष्ठम् । इति राजनिर्घण्टः ॥