वाचस्पत्यम्
विश्वप्सन् || पु० विश्व प्साति भक्षति प्सा—कनिन् । १ सर्वभक्षके वह्नौ २ चन्द्रे हेमच० । ३ देवे ४ विश्वकर्मणि ५ भूमौ संक्षिप्तमा० ६ सूर्य्ये शब्दर० ।
शब्दकल्पद्रुमः
विश्वप्सा || [न्] पुं, (विश्वं प्सातीति । प्सा + भक्षणे + “श्वनुक्षन्पूषनप्लीहन्निति ।” ऊणा० १ । १५८ । इति कनिन्प्रत्ययेन साधुः ।)
अग्निः । चन्द्रः । इति हेमचन्द्रः ॥ देवः । विश्वकर्म्मा । इति संक्षिप्तसारोणादिवृत्तिः ॥ सूर्य्यः । इति शब्दरत्नावली ॥