वाचस्पत्यम्
भिदादि || स्त्री अङ्प्रत्ययनिर्वृत्ते शब्दनखे स च गणः पा० ग० उक्तो यथा “भिदा छिदा विदा क्षिपा गुहा श्रद्धा मेधा गोधा आरा हारा कारा (बन्धनस्थाने) क्षिपा तारा (ज्योतिषि) धारा रे(ले)खा चूडा पीडा वपा वसा मृजा कृपा । अत्र छिदा द्वैधीकरण एवान्यत्र छित्तिः । आरा शस्त्र्यामन्यत्र अर्त्तिः । धारा जलप्रवाहेऽन्यत्र धृतिः । गुहा गिर्य्योषध्योः अन्यत्र गूढिरिति बोध्यम्” ।