वाचस्पत्यम्
मदहेतु || पु० ६ त० । १ मत्तताहेतौ २ धातक्यां वैद्यकम् ।
शब्दकल्पद्रुमः
मदहेतुः || पुं, (मदस्य हेतुः कारणम् ।)
धातकी । इति वैद्यकम् । मत्तताकारणञ्च । (मदरोगस्य हेतुः यथा, —
“यदा तु रक्तवाहीनि रससंज्ञावहानि च । पृथक् पृथक् समस्ता वा स्रोतांसि कुपिता मलाः ॥ मलिनाहारशीलस्य रजोमोहावृतात्मनः । प्रतिहत्यावतिष्ठन्ते जायन्ते व्याधयस्तदा ॥ मदमूर्च्छाय संन्यासास्तेषां विद्याद्विचक्षणः । यथोत्तरं बलाधिक्यं हेतुलिङ्गोपशान्तिषु ॥” इति चरके सूत्रस्थाने चतुर्व्विंशेऽध्याये ॥)