वाचस्पत्यम्
मोदिनी || स्त्री मोदयति मुद णिच्—णिनि । १ अजमोदायाम् २ मल्लिकायाम् ३ यूथिकायां ४ कस्तूर्य्यां ५ मदिरायाञ्च राजनि० ।
शब्दकल्पद्रुमः
मोदिनी || स्त्री (मोदयति गन्धेनेति । मुद + निच् + णिनिः । ङीप् ।)
अजमोदा । मल्लिका । यूथिका । कस्तूरी । मदिरा । मल्लिकापुष्प- विशेषः । तत्पर्य्यायः । वटपत्री २ कुमारिका ३ वृत्तमल्लिका ४ । अस्या गुणाः । नेत्ररोगाप- हन्तृत्वम् । कटुत्वम् । उष्णत्वम् । व्रणघ्नत्वम् । गन्धबहुलत्वम् । आस्यजरोगनाशित्वञ्च । इति राजनिर्घण्टः ॥ (हर्षदायके, त्रि । यथा, महाभारते । ९ । ५६ । १३ । “वराश्वनरनागानां शरीरप्रभवा तदा । परलोकार्णवमुखा गृध्रगोमायुमोदिनी ॥”)