वाचस्पत्यम्
रथचरण || पु० रथस्य चरण इव गतिहेतुत्वात् । १ रथचक्रे तन्नामनामके २ चक्रवाकविहगे पुंस्त्री० शब्दर० स्त्रियां ङीष् । रथपादादयोऽप्यत्र ।
शब्दकल्पद्रुमः
रथचरणः || पुं, (रथचरणं चक्रं तदेव नामास्य ।)
चक्रवाकपक्षी । इति शब्दरत्नावली ॥ (पुं, क्ली, रथस्य चरणः ।)
रथचक्रम् । यथा, —
“रथः क्षौणो यन्ता शतधृतिरगेन्द्रो धनुरथो रथाङ्गे चन्द्रार्कौ रथचरणपाणिः शर इति ।” इति महिम्नः स्तोत्रम् ॥