वाचस्पत्यम्
ब्र(व्र)ह्मरीति || ब्रह्मवर्णा रीतिः । पित्तलभेदे हेमच० ।
शब्दकल्पद्रुमः
ब्रह्मरीतिः || स्त्री (ब्रह्मवर्णा रीतिः ।)
पित्तलभेदः । यथा, हेमचन्द्रः । ४ । ११४ ॥ “पित्तलारेऽथारकूटः कपिलोहं सुवर्णकम् । रिरी रीरी च रीतिश्च पीतलोहं सुलोहकम् ॥ ब्राह्मी तु राज्ञी कपिला ब्रह्मरीतिर्महेश्वरी ॥” राजरीतिः । इति राजनिर्घण्टः ॥ (तथास्याः पर्य्यायान्तरम् । “पित्तलन्त्वारकूटं स्यादारोरीतिश्च कथ्यते । राजरीतिर्ब्रह्मरीतिः कपिला पिङ्गलापि च ॥” इति वैदकरत्नमालायाम् । ब्रह्मणो ब्राह्मणस्य रीतिश्च ॥)