वाचस्पत्यम्
शीतकृच्छ्र || पु० “त्र्यहं शीतं पिबेत् तोयं त्र्यहं शीतं पयः पिबेत् । त्र्यहं शीतं घृतं पीत्वा वायुभक्षपरस्त्र्यहम्” यमोक्ते व्रते ।
शब्दकल्पद्रुमः
शीतकृच्छ्रः || पुं, व्रतविशेषः । यथा । “यदा तु शीतं क्षीरादि पीयते तदा शीतकृच्छ्रः । “त्र्यहं शीतं पिबेत्तोयं त्र्यहं शीतं पयः पिबेत् । त्र्यहं शीतं घृतं पीत्वा वायुभक्षः परत्र्यहम् ॥” इति यमस्मरणात् । इति मिताक्षरा ॥