विचेष्टित विच्छ

विच्

¹“विचिर् पृथग्भावे” ² अयं पाठः सर्वसम्मतः।
धातुवृत्तौ तु ‘विजिर्--’ इति दृश्यते।
वेचकः-चिका, वेचकः-चिका, विविक्षकः-क्षिका, वेविचकः-चिका;
वेक्ता-त्री, वेचयिता-त्री, विविक्षिता-त्री, वेविचिता-त्री;
इत्यादिकानि रूपाणि सर्वाण्यपि प्रातिस्विकरूपाणि विना रौधादिकरिञ्चतिवत् ³ ज्ञेयानि।
क्तप्रत्यये-विक्तम् ⁴ -क्तः, घञि- ⁵ विवेकः, घिनुणि- ⁶ विवेकी, ⁷ विविचिः इमानि रूपाण्यधिकान्यत्रेति विशेषः।

प्रासङ्गिक्यः

↑ (१५९४)
↑ (७-रुधादिः-१४४२। सक। अनि। उभ।)
↑ (१४०४)
↑ आ। ‘रम्या इति प्राप्तवतीः पताका रागं विविक्ता इति वर्धयन्तीः।’ शि। व। ३-५३
↑ १। निष्ठायामनिट्त्वात् ‘चजोः कु घिण्ण्यतोः’ (७-३-५२) इति कुत्वे रूपमेवम्।
↑ २। ‘संपृचानुरुध… विविच--’ (३-२-१४२) इति तच्छीलादिषु कर्तृषु घिनुण्प्रत्यये कुत्वे च रूपमेवम्। विवेकी = युक्तायुक्तविशेषज्ञः।
↑ ३। ‘किकिनावुत्सर्गश्छन्दसि सदादिभ्यो दर्शनात्’ (वा। ३-२-१७१) इति वचनेन (सदादिभ्योऽपि सूत्रानुपात्तेभ्यः) भाषायां किप्रत्यये, एत्वाभ्यासलोपयोश्च रूपमेवम्।

संस्कृत-शब्दकोशः